Furqan LeadershipFurqan LeadershipFurqan Leadership

Lidershipi i Suksesshëm – Niveli bazik

Categories: Lidership
Wishlist Share
Share Course
Page Link
Share On Social Media

About Course

Lidershipi i Suksesshëm – Niveli bazik

Bëhu lideri që bota ka nevojë të shohë!

Ky kurs ekskluziv mbi lidershipin e avancuar është i bazuar në librin “Lidershipi i Suksesshëm” dhe në përvojën jetësore akademike, profesionale dhe të udhëheqjes së Prof.Dr.Hfz. Hajredin Hoxha. Ky kurs është një udhëzues i rrallë që bashkon studimet bashkëkohore mbi lidershipin dhe urtësinë Kur’anore. Në këtë trajnim transformues, do të zbuloni sekretet e liderëve më të suksesshëm në histori dhe si t’i aplikoni ato në jetën tuaj profesionale dhe personale.

💡 Çfarë do të mësoni?
✅ Modelet e lidershipit të suksesshëm dhe të dështuar sipas Kur’anit
✅ Modelet e lidershipit të suksesshëm dhe të dështuar sipas Kur’anit
✅ Cilësitë e një lideri me vizion dhe ndikim
✅ Burimet e fuqisë dhe aftësitë kyçe të një udhëheqësi të madh
✅ Teknikat moderne për të frymëzuar dhe drejtuar një ekip me sukses
✅ Shembuj praktikë nga historia dhe lidershipi bashkëkohor

📌 Për kë është ky kurs?
Ky kurs është i dizajnuar për drejtues biznesi, menaxherë, liderë fetarë, lider politik, akademikë dhe çdokënd që aspiron të bëhet një lider i dalluar, bazuar në vlera të forta etike dhe strategji efektive.

🚀 Pse duhet të regjistroheni?
🔹 Metodologji unike: një kombinim i parimeve islame dhe praktikave të suksesshme të lidershipit modern
🔹 Përmbajtje e pasur me shembuj realë dhe udhëzime praktike
🔹 Një qasje transformuese për të ndërtuar autoritet dhe ndikim të qëndrueshëm

Investo në veten tënde dhe bëhu lideri që ndikon pozitivisht në shoqëri!
📅 Regjistrohu sot dhe bëj hapin e parë drejt një lidershipi të fuqishëm dhe të suksesshëm!

  • Kohëzgjatja e Trajnimit: 10 seanca, online 
  • Tarifa e Trajnimit 149 Euro.
  • Të gjithë pjesëmarrësit në trajnim do të pajisen me certifikatë.

Për t’u bërë pjesë e trajnimit, mund të regjistroheni online ose të shkruani në [email protected] ose mund të dergoni sms në +974 7035 8181

 

Show More

What Will You Learn?

  • 💡 Çfarë do të mësoni?
  • ✅ Modelet e lidershipit të suksesshëm dhe të dështuar sipas Kur’anit
  • ✅ Modelet e lidershipit të suksesshëm dhe të dështuar sipas Kur’anit
  • ✅ Cilësitë e një lideri me vizion dhe ndikim
  • ✅ Burimet e fuqisë dhe aftësitë kyçe të një udhëheqësi të madh
  • ✅ Teknikat moderne për të frymëzuar dhe drejtuar një ekip me sukses
  • ✅ Shembuj praktikë nga historia dhe lidershipi bashkëkohor

Course Content

Çfarë përmban trajnimi “Lidershipi i suksesshëm – Niveli bazik”
Video përmbledhëse për të kuptuar më shumë informata për trajnimin "Lidershipi i suksesshëm - Niveli bazik"

I. Hyrje në Lidership: rëndësia, objektivat dhe konceptet themelore
LIGJËRATA: 01 Në këtë ligjëratë trajtohen disa pika më rëndësi, ndër të cilat veçojmë: 1) . RËNDËSIA DHE NEVOJA AKTUALE PËR TRAJTIMIN E TEMËS RRETH LIDERSHIPIT, 2) . OBJEKTIVAT E KURSIT SPECIAL NË LIDHJE ME LIDERSHIPIN, 3) . TARGETGRUPI I TRAJNIMIT NË KËTË KURS, 4) . TERMINOLOGJIA E TRAJNIMIT (Lidership, Menaxhment, komandë,Tipare, Introvert, Ekstrovert), 5) . MATERIALI I TRAJNIMIT ( burimet dhe referencat gjatë këtij trajnimi do të jenë: Libri autorial i trajnuesit, si dhe materiale tjera në power point, video dhe literaturë të ndryshme). Libri që përbën referencën kryesore për këtë kurs ndodhet në këtë vegëz: https://drhafezi.net/lidershipi-i-suksesshem/

II. DEFINICIONI I LIDERSHIPIT
Ligjërata: 02 Në këtë ligjëratë trajtohen këto pika: 1- PËRKUFIZIMI PËR LIDERSHIPIN, 2- LIGJET DHE PROCEDURAT QË NJË LIDER DUHET T'I RESPEKTOJ, 3- TIPARET E VEÇANTA QË NJË LIDER DUHET T'I KETË, 4- PËR TË QENË LIDERI I SUKSESSHËM, DUHET TA SHFRYTZOJ POZITËN, TË BËJË REFORMA ATY KU PUNON, TË KETË SJELLJE DHE ETIKË TË MIRË NË RAPORT ME TË TJERËT, TË KETË SHKATHTËSI NË UDHHEQËJE, MOS TA SHFRYTZOI PUSHTETIN PËR INTERESA PERSONALE ETJ. Libri që përbën referencën kryesore për këtë kurs ndodhet në këtë vegëz: https://drhafezi.net/lidershipi-i-suksesshem/

III. TEORITË E LIDERSHIPIT MODERN
Ligjërata: 03 Në këtë ligjëratë bëhet fjalë rreth: TEORIVE TË LIDERSHIPIT MODERN, QASJA E MBËSHTETUR NË TIPARE , TRI TEORITË MË TË NJOHURA TË LIDERSHIPIT ( Teoria e njeriut të madh, Teoria e princit, Teoria e heroit), TIPARET E LIDERIT TË SUKSESSHËM SIPAS TEORISË SË TIPAREVE TË VITIT: 1948, 1959, 2004). Libri që përbën referencën kryesore për këtë kurs ndodhet në këtë vegëz: https://drhafezi.net/lidershipi-i-suksesshem/

IV. TEORIA – QASJA E KONTIGJENCËS
Kapitulli: Teoria e Kontigjencës — Fiedler Contingency Theory Ky kapitull do të eksplorojë Teorinë e Kontigjencës të Fiedler, një qasje e rëndësishme në fushën e lidershipit, e cila fokusohet në mënyrën se si liderët menaxhojnë marrëdhëniet dhe sjelljen e vartësve të tyre në varësi të kushteve të ndryshme të punës dhe karakteristikave të situatës. Teoria thekson se stili i lidershipit duhet të përshtatet me kontekstin dhe mjedisin në të cilin ndodhen liderët dhe pasuesit, duke nxjerrë në pah se nuk ka një qasje universale për menaxhimin efektiv. Përmes këtij kapitulli, studentët do të kenë mundësinë të kuptojnë se si lidershipi mund të ndryshojë bazuar në tri aspekte kryesore: Fokusimi tek detyra dhe pozita, si lidershipi menaxhon përmbushjen e objektivave. Motivimi i pasuesve dhe përmirësimi i sjelljeve të tyre, si lidershipi ndihmon në rritjen e angazhimit dhe performancës. Vëzhgimi i sjelljeve të liderëve dhe ndikimi i tyre, si lidershipi ndikon në motivimin dhe sjelljen e pasuesve. Teoria paraqet dy nën-teori kryesore që do të shqyrtohen: Teoria Dy-Dimensionale në Lidership, që analizon liderët në dy dimensione: performanca dhe marrëdhëniet shoqërore. Teoria e Rrjetit Menaxherial në Lidership, që fokusohet në mënyrën si lidershipi ndikon në vendimmarrjen dhe marrëdhëniet me vartësit përmes pushtetit dhe lirisë që ata kanë. Në fund të kapitullit, studentët do të mund të analizojnë shtatë stile të ndryshme lidershipi, të cilat përfaqësojnë mënyra të ndryshme për të udhëhequr dhe menaxhuar ekipet dhe organizatat. Ky kapitull thekson se nuk ekziston një stil i vetëm i lidershipit që mund të aplikohet gjithmonë, por përzgjedhja e duhur varet nga rrethanat dhe natyra e problemit që po zgjidhet. Libri që përbën referencën kryesore për këtë kurs ndodhet në këtë vegëz: https://drhafezi.net/lidershipi-i-suksesshem/

V. QASJA SITUACIONALE E LIDERSHIPIT
Kjo teori sugjeron se lidershipi është një proces dinamik, i cili ndryshon sipas situatave dhe rrethanave në të cilat ndodhet lideri. Sipas saj, nuk ka një stil të vetëm lidershipi që është i përshtatshëm për të gjitha situatat. Çdo lider duhet të përshtatet në varësi të kërkesave dhe nevojave të kohës dhe rrethanave. Teoria situacionale ka disa nën-teori, të cilat përqendrohen në raportet midis liderit dhe pasuesve, besueshmërinë e liderit, strukturën e detyrave dhe mënyrat e vlerësimit të performancës. Dy nga nën-teoritë më të rëndësishme janë: Teoria Situacionale e Fiedler-it: Sipas kësaj teorie, lideri duhet të përshtatet me tre faktorë të rëndësishëm: Raportet lider-pasues: Sa i besueshëm është lideri dhe si e pranojnë pasuesit autoritetin e tij. Struktura e detyrave: Qartësia e objektivave dhe detyrave të ndara për vartësit. Pushteti ekzekutiv i liderit: Fuqia e liderit për të marrë vendime dhe shpërblime, apo ndëshkime, dhe delegimi i kompetencave. Teoria e Liderëve Karizmatikë: Kjo teori thekson rëndësinë e lidershipit transformues, ku lideri nuk është vetëm menaxher i detyrave, por udhëheqës që mund të krijojë ndryshime të thella dhe pozitive brenda një grupi ose organizate. Ky kapitull do të ndihmojë studentët të kuptojnë rëndësinë e adaptimit të lidershipit në varësi të kushteve dhe rrethanave, duke theksuar se nuk ekziston një stil i vetëm i lidershipit që është i përshtatshëm për çdo situatë. Libri që përbën referencën kryesore për këtë kurs ndodhet në këtë vegëz: https://drhafezi.net/lidershipi-i-suksesshem/

VI. UDHËZIME KURANORE RRETH QASJEVE TË LIDERSHIPIT
Ky kapitull shqyrton lidershipin nëpër prizmin e Kur’anit dhe Sunetit, duke ofruar një kuadër të plotë të lidershipit efektiv, të dimensionit moral të lidershipit, përfshi edhe atë shoqëror dhe shpirtërorë, të gjitha këto për të udhëhequr në mënyrë efektive. Nëpërmjet tre temave kryesore, studentët do të njihen me modele praktike, parimet edukative dhe thellësinë e urdhërimeve hyjnore që paragesin studimet moderne për lidershipin. Bazuar në tekstet e shenjta islame, lidershipi i suksesshëm varet nga ndjekja e udhëzimeve hyjnore, përgjegjësia morale dhe shërbimi ndaj komunitetit. Temat kryesore të këtij seksioni përfshijnë: Rëndësia e lidershipit në Islam: Parimet e lidershipit si një amanet hyjnor dhe përgjegjësi e madhe, e bazuar në vlera si drejtësia, sinqeriteti dhe urtësia​ Modelet e lidershipit në Kuran: Shembuj nga historia profetike të lidershipit të suksesshëm dhe të dështuar, duke analizuar figurat si Profeti Musa (a.s.), Faraoni, dhe prijësit e zgjedhur nga Zoti​ Lidershipi si shërbim dhe përgjegjësi: Udhëzimet kuranore mbi rolin e liderit si shërbëtor i njerëzve dhe jo si sundimtar tiranik​. Ndikimi i lidershipit të bazuar në Kuran në menaxhimin modern: Si mund të zbatojmë parimet e lidershipit islam në strukturat moderne të organizatave dhe institucioneve​. Përmes këtij seksioni, pjesëmarrësit do të mësojnë se si të adoptojnë një qasje të drejtë dhe të frytshme ndaj lidershipit duke u bazuar në referencat kuranore, duke u mbrojtur nga devijimet e lidershipit të bazuar në ego dhe interesa të ngushta.

VII. QASJE MODERNE – LIDERSHIPI TRANSAKSIONAL
Lidershipi transaksional është një model udhëheqësie që fokusohet në shkëmbimin e qartë midis liderit dhe ndjekësve të tij. Ky stil bazohet në shpërblime dhe ndëshkime për të motivuar dhe drejtuar performancën e punonjësve. Karakteristikat kryesore të lidershipit transaksional: Strukturë dhe rregulla të qarta – Liderët vendosin pritshmëri specifike dhe përcaktojnë qartë detyrat. Shpërblime dhe ndëshkime – Performanca e mirë shpërblehet, ndërsa mosarritja e objektivave mund të sjellë ndëshkime. Mbikëqyrje dhe kontroll i rreptë – Udhëheqësit transaksionalë monitorojnë nga afër punën e vartësve. Fokus në efikasitetin dhe rezultatet – Ky stil është i orientuar drejt arritjes së objektivave të organizatës në mënyrë të qartë dhe të matshme. Nuk inkurajon inovacionin – Përqendrohet më shumë në mirëmbajtjen e procesit ekzistues sesa në ndryshim apo kreativitet. Ky stil lidershipi është më efektiv në situata ku kërkohet disiplinë, strukturë dhe detyra të përcaktuara mirë, si në ushtri, fabrikë ose organizata me hierarki të fortë.

VIII. QASJE MODERNE – LIDERSHIPI TRANFORMUES DHE VIZIONAR
Lidershipi transformues Thelbi i teorive transformuese është që udhëheqësit të transformojnë pasuesit përmes natyrës së tyre frymëzuese dhe personaliteteve karizmatike. Pra, lideri është ai që transformon qëndrimet negative në qëndrime pozitive dhe që përfiton nga mundësitë që ka në dispozicion. Lideri këtu ka një rol aktiv, është instrument ndryshimi i një gjendje të caktuar, nga një gjendje te keqe në një gjendje të mirë dhe këtë e bën konform mundësive që ka. Sipas kësaj teorie transformuese, lideri është ai që nxit dhe stimulon pasuesit për të lëvizur para, në realizimin e sukseseve përtej pritshmërisë[7]. Roli i lidershipit transformues Influenca dhe joshja Inkurajimi artistik Nxitja dhe frymëzimi Ruajtja e ndjenjave Siç mund të kuptohet nga titulli i këtij lloj lidershipi dhe përmbajtja e tij, lideri angazhohet me tërë kapacitetin intelektual e material për ta ndryshuar për të mire gjendjen e pasuesve dhe të organizatës, në të gjitha poret. Nevoja jonë për liderë të tillë sot është më e madhe se kurdoherë më parë! Lidershipi vizionar Ky lloj lidershipi shquhet për aftësinë për të mbjellë dhe përçuar vizionin e vërtetë dhe të drejtë të së ardhmes së organizatës, e cila do të jetë më e zhvilluar se që është aktualisht. Liderët vizionarë, siç shprehen Robinsi dhe Decenzo, krijojnë një vizion realist, të besueshëm, tërheqës për të ardhmen, që buron prej së tashmes dhe synojnë ta përmirësojnë atë. Nëse ky vizion përmbushet në plotësi, rritet dhe aftësia e tij për të zgjuar forcat brenda pasuesve, për ta ngjallur vullnetin dhe për të shtuar mundësitë e realizimit të kësaj ardhmërie të ndritur[1]. Lideri vizionar ka një vizion të qartë të së ardhmes dhe këtë synon ta arrijë nëpërmjet përcaktimit preciz dhe të saktë të këtij vizioni dhe përcjelljes së tij tek pasuesit, të cilët i motivon dhe i nxitë ta përvetësojnë, t’i përmbahen dhe ta zbatojnë me përpikmëri. Veçoritë e liderit vizionar 1. Përcaktimi i vizionit 2. Përcjellja e vizionit tek pasuesit 3. Shtyrja e pasuesve drejt vizionit 4. Zbatimi në praktikë i vizionit

IX. QASJE MODERNE – LIDERSHIPI KARIZMATIK
Në këtë ligjëratë bëhet fjalë rreth Lidershipit Karizmatik, me konkretisht veçurive të tij me të cilat dallohet prej llojeve tjera të lidershipit, e poashtu përmenden edhe tetë rolet e tij: planifikimi dhe kreativiteti, nxitja dhe stimulimi, shëmbëlltyra e mirë, trajnimi, marrëdhëniet, fuqizimi, delegimi, dhe ndërhyrja. Lidershipi Karizmatik Sipas Utejbit, lideri karizmatik është person jo i rëndomtë. Është lideri me tiparet më të theksuara, ku bëjnë pjesë largpamësia dhe objektivat shembullore. Ai ka aftësinë për t’iu futur aventurave dhe rreziqeve me qëllim të realizimit të vizionit që ka. Ka empati për hallet e punëtorëve. Për realizimin e qëllimeve aplikon metoda inovative[2]. Rëndësia e këtij lloj lidershipi qëndron në lidhjen që krijohet ndërmjet liderit dhe pasuesve ku këta të fundit identifikohen me liderin. Lidershipi karizmatik dallohet për: Vizion largpamës Lideri vizionar ka vizion dhe objektiva të qarta se si e ardhmja do të jetë më e mirë se e tanishmja Aventurat dhe rreziqet Lideri karizmatik ka aftësinë për tu futur në aventura, pavarësisht kostos, vetëm e vetëm që t’i realizojë qëllimet Ndjeshmëria për punëtorët Nxiton për t’i përmbushur kërkesat e ligjshme të punëtorëve Aplikon metoda inovative I nxit punëtorët për kreativitet dhe inovacion Influencues tek punëtorët Optimist, shpresëdhënës, premtues për të ardhmen nëpërmjet vizionit joshës e tërheqës që ka Profesori ynë i lidershipit, dr. Tarik Suvejdani, nga Kuvajti, Allahu e ruajtë! dallohet për një kontribut gjigant në këtë fushë, kontribut të cilin duhet ta perceptojnë në veçanti organizatat dhe institucionet shkencore e intelektuale[3]. Sipas tij, që një lider të jetë i suksesshëm, duhet të kryeje këto tetë role: planifikimin dhe kreativitetin, nxitjen dhe stimulimin, shëmbëlltyrën e mirë, trajnimin, marrëdhëniet, fuqizimin, delegimin, ndërhyrjen.

X. KOMPONENTET E LIDERSHIPIT
Ky kapitull ofron një hyrje të detajuar mbi komponentët themelorë të lidershipit, duke e trajtuar atë si një kombinim të shkencës dhe artit. Për të kuptuar lidershipin, është e nevojshme të shqyrtojmë trekëndëshin themelor mbi të cilin ai mbështetet: lideri, pasuesit dhe situata. Kapitulli fillon duke eksploruar dy llojet kryesore të liderëve: Liderët natyralë, të cilët kanë prirje të lindura për të udhëhequr. Liderët administrativë, të cilët zhvillojnë aftësitë e tyre nëpërmjet edukimit, trajnimit dhe përvojës. Më pas, trajtohet roli i situatës dhe kontekstit në lidership, duke vënë theksin në ndikimin e faktorëve të jashtëm si përvojat, sfidat dhe ambienti ku vepron lideri. Studimet tregojnë se shumë liderë shfaqin aftësitë e tyre në momente dhe rrethana të caktuara. Një tjetër komponent thelbësor i lidershipit janë pasuesit. Kapitulli diskuton rëndësinë e marrëdhënies ndërmjet liderit dhe pasuesve, si dhe faktorët që ndihmojnë në krijimin e një mjedisi bashkëpunues dhe produktiv, përfshirë: Respektin dhe pranimin e ndërsjellë Vetëdijesimin e individëve për rolin e tyre Strukturimin e qartë të raporteve të punës Përmbushjen e nevojave ekonomike dhe shpirtërore Në fund, kapitulli përmbledh disa nga faktorët kyç të suksesit në lidership, si disiplina, përqendrimi në objektiva të qarta dhe ndërtimi i një komunikimi efektiv me grupin. Për më tepër, theksohet rëndësia e mbështetjes shpirtërore dhe lidhjes me vlerat e besimit si një faktor shtesë që ndikon në aftësinë për të udhëhequr me sukses.

Fito çertifikatë

Shtoni këtë certifikatë në CV, demonstroni aftësitë, rritni shanset tuaja për punë dhe lidership.

selected template
0
Shopping Cart (0 items)

Want to receive push notifications for all major on-site activities?

✕